مامۆستایەکى زانکۆى هەڵەبجە بە دوو بابەتی یاسایی بەشداری کۆنفرانس و پانێڵێکی جینۆسایدی ئەنفال دەکات

بۆ (٢٩)هەمین ساڵیادی جینۆسایدی ئەنفال، مامۆستا (ئاوارە حسێن) مامۆستای بەشی یاسای زانکۆی هەڵەبجە، بە دوو بابەتی یاسایی بەشداریکرد لە کۆنفرانس و پانێڵێکی تایبەت بە جینۆسایدی ئەنفال. 

 ڕۆژی (١٣\٤\٢٠١٧) لەسەر داوای ڕێکخراوی چەرمۆ بۆ پرسی ئەنفال، مامۆستا ئاوارە بە بابەتێکی یاسایی لەگەڵ هەریەک لە (د.ئازاد حەمە) مامۆستای زانکۆی سلێمانی و مامۆستا ئەبوبەکر کاروانی سیاسەتمەدار بەشداریکرد لە پانێڵی (ئەنفال وەک سەرمایەیەکی ڕەمزی بۆ بونیادی نەتەوە و دەوڵەت) پانێڵەکە لە هۆڵی کتێبخانەی گشتی چەمچەماڵ بەسترا.  

هەروەها ڕۆژی (١٤\٤\٢٠١٧) مامۆستا ئاوارە بەشداریکرد لە مەراسیمی (٢٩)هەمین ساڵیادی جینۆسایدی ئەنفال کە لە گۆڕستانی ئەنفال بەڕێوەچوو لە ناحییەی ڕزگاری.

پاش نیوەڕۆی هەمان ڕۆژ، لە هۆڵی وەرزش و لاوان لە پەیمانگای تەکنیکی کەلار، لەسەر داوای لیژنەی باڵای کۆنفرانسەکە، لە کۆنفرانسی (پێکهێنانی دادگای تاوانکاری لە کوردستان و بەنێودەوڵەتیکردنی جینۆسایدی گەلی کورد) بە پێشکەشکردنی بابەتێکی یاسایی بەشداریکرد. کۆنفرانسەکە لەلایەن سەنتەری ستراتیژی جینۆساید و ئەنفالی گەلی کورد لە پەیمانگای تەکنیکی تایبەت لە کەلار بە هاوکاری دەزگای لێکۆڵینەوە بۆ جینۆساید و ئەنفال بەڕێوەچووو.

دوای تەواوبوونی کۆنفرانسەکە، خەڵاتی ڕێزلێنان لەلایەن پەیمانگای تەکنیکی تایبەتی لە کەلار بە بەڕێزیان بەخشرا.

به‌روار : 2017-04-15 كات :13:47 بینراو : 740

© 2017 Halabja University, Created and Developed by kod4it