بەشی کوردى زانکۆى هەڵەبجە یەکەمین سمپۆزیۆمى خۆى ئەنجام دەدات

بە سەرپەرشتى بەڕێز (دکتۆر ئاراس مصطفى احمد) سەرۆکى زانکۆى هەڵەبجە ، بەشی کوردى زانکۆى هەڵەبجە یەکەمیمن سیمپۆزیۆمى  بە دروشمى (مەولەوى ڕابەرى پێچەوانەبوون لە ئەدەبی کوریدا) ئەنجام دەدات.
ئەمڕۆ دووشەممە ڕێکەوتى (٢٠١٧/٨/٢٨) کاتژمێر (٩) ى سەرلەبەیانى ، بەسەرپەرشتى و چاودێرى بەرێز (دکتۆر ئاراس مصطفى احمد) سەرۆکى زانکۆى هەڵەبجە و بە ئامادەبوونى ئەنجومەنى زانکۆ و قایمقامى شارەزوور و ژمارەیەک ئەندام پەرلەمان و کەسایەتى حکومى و سیاسی و مامۆستایانى زانکۆ  و فەرمانبەر و خویندکارانى زانکۆى هەڵەبجە و ژمارەیەکى بەرچاوى کەسایەتى  ئاینیى و ئەدیب و ڕۆشنبیرانى ناوچەکە و  کەناڵەکانى ڕاگەیاندن ،  بەشی زمانى کوردى یەکەمین سیمپۆزیۆمى خۆی لە قەزاى شارەزوور ئەنجامدا .
(مەولەوى ڕابەرى پێچەوانە بوون لە ئەدەبی کوردیدا) دروشمى سیمپۆزیۆمى ئەنجامدراو بوو.
دەسپێکى سیمپۆزیۆم بە خولەکێک وەستان بۆ گیان شەهیدانى ڕێگاى ڕزگارى کوردستان و شەهیدانى زانست  دەستى پێکرد . بەڕێز (م. ئەحمەد ڕەشید میرە) سەرۆکى لیژنەى باڵاى سیمپۆزیۆم وتارى لیژنەى باڵاى ئامادەکارى سیمپۆزیۆمى پێشکەش کرد و وێراى بەخێر هێنانى ئامادەبوان ئاماژەى بە گەورەشاعیرى کورد (مەولەوى) کرد لە بوارى ئەدەبیات و داهێنانى شیعردا و گرنگیەکەى خستەڕوو لەبوارى پێچەوانەبوون لە ڕێبازى ئەدەبیاتدا و ئەمەش  هاندەری سەرەکی بەشی کوردى بوە کە لە سیمپزیۆمێکدا مشتێک لە خەرمانى ئەو کەڵە شاعیرە بخەنە بەرچاو .گرنگى ئەنجامدانى لەڕوى زانستى و ئەدەبی و هەروەها تەنگەژە و لەمپەرەکانى بەردەم ئەنجامدان و بەرێوەچونى سیمپۆزیۆمەکەى بۆ ئامادەبوان ڕون کردەوە.
دواتر بەڕێز( ئاراس مصطفى احمد) سەرۆکى زانکۆى هەلەبجە وتاری سەرۆکایەتى زانکۆى هەڵەبجەى خوێندەوە ، و بەناوى ئەنجومەنى زانکۆوە بەخێرهێنانى هەموو لایەکى کرد ، و ئاماژەى بەوەدا کە ئەنجامدانى ئەم چالاکیانە لە پێناو گەشەپێدانى ئاستى زانستى  زانکۆى هەڵەبجە و پێوەرێکى گرنگ و سەنگینە بۆ بەرەوپێش چونى ئاستى زانکۆى هەڵەبجە لە ڕیزبەندى نیشتیمانى زانکۆکانى هەرێم ، ئاماژەشی بە گرنگى پێدانى ناوچەى شارەزوور کرد لە ڕوى خزمەتیان بە بوارى ئەدەب و کە چەندین شاعیرى گەورە و ناودارى کوردى تێدا هەڵکەوتوە ، هەروەها تیشکیشی خستە سەر ڕۆڵى مەولەوى لە پرشنگدارکردنى ئاسمانى ئەدەبی کوردى کە وایکردوە یەکەمین سیمپۆزیۆمی لە بوارى ئەدەبى کوردى لە بەشی کوردى زانکۆى هەڵەبجە  بۆ ئەنجام بدرێت. 
دواتر بەڕێز (د.حسێن محمد صاڵح) ڕاگرى کۆلێژى پەروەردەى بنەڕەت وتارى کۆلێژى پەروەردەى بنەڕەتى پێشکەش کرد و دواى بەخێرهێنانى ئامادەبوان و سوپاسی سەرۆکى زانکۆ و ئەنجامدەرانى سیمپزیۆمەکەى کرد ،  ئاماژەى بە کار و چالاکیەکانى بەشی زمانى کوردى لە ماوەى ڕابردوودا کرد و بە یەکێک لە بەشە چالاک و ناوازەکانى زانکۆ باسی کرد. باسیشی لە ڕۆڵى ئەدیبان و شاعیران کرد لە ژیانى ئەدەبی و کۆمەڵایەتى کوردیدا بونەتە هۆى هۆشیارکردنەوەى خەڵکى و کۆمەڵگا ، مەولەویشی بە یەکێک لە پێشەنگەکانى ئەو بوارە ناوهینا.
پاشان پرۆگرامەکانى سیمپۆزیۆمەکە دەستى پێکرد کە لە دوو پانێڵى سەرەکى پێک هاتبوو و پانێڵی یەکەم لە لایەن بەڕێز (م.ئەحمەد ڕەشید میرە) مامۆستا لە بەشی کوردى زانکۆى هەڵەبجەوە بەڕێوە برا کە سێ بابەتى لە خۆگرتبوو و هەریەک لە بەرێزان (پ.د.محەمەدى مەحوى) لە زانکۆى سلێمانیەوە و  بە بابەتى (ساخکردنەوەى نازناوى وێژەوانى نالی) ، و (پ.ی.د. سەباح بەرزنجى) بەڕێوەبەرى سەنتەرى زەهاوى و مامۆستاى زانکۆ بە بابەتى (فەلسەفەى یەکەم لاى مەولەوى) ، و (پ.د. فارۆق محمد ڕەزا) مامۆستا و سەرۆکى بەشی زمانى کوردى لە  زانکۆى هەڵەبجە بابەتى (چەمکى خەم لە شیعرەکانى مەولەویدا) بەشداربوانى ئەم پانێڵە بوون.
پاش بەسەربردنى پشویەکى کەم پانێڵى دووەمى سیمپۆزیۆم دەستى پێکرد کە لە لایەن بەڕێز (م.ى. سروە طاهر على) مامۆستا لە بەشی کوردى زانکۆى هەڵەبجەوە  بەڕێوە برا و هەریەک لە بەرێزان (پ.ی.د. ئیبراهیم ئیسماعیل مستەفا) مامۆستاى زانکۆى سلێمانى بە بابەتى (خوێندنەوەیەکى سیمۆتیکى قەسیدەى (نەفەس بگرە لە هاتوچۆى خۆڕایی هەتا ماوىی نالی) ، و بەڕێز(د. سەمەد ئەحمەد مامۆستا) لە زانکۆى چەرموو بە بابەتى (لەدۆخى سیاسی هۆبزەوە بۆ دۆخى سروشتى ڕۆسۆ و بەڕێز(م.سالار تاوەگۆزى لە زانکۆى سەلاحەدین) ، و بەڕێز(د.ئاوات محمد ئاغا) مامۆستاى بەشی زمانى کوردى زانکۆى هەڵەبجە بە بابەتى (پێکهاتەى زانین لە هزرى مەولەویدا) بەشداربوانى پانێڵی دوهەم بوون.
لە کۆتایی سیمپۆزیۆمەکەدا ئامادەبوان پرسیار و  ڕەخنە و پێشنیارەکانیان ئاڕاستەى بەڕێوەبەران بەشداربوانى سیمپۆزیۆمەکە کرد. 
دوا بڕگەى سیمپۆزیۆمەکە بەخشینى خەڵاتى ڕیز و پێزانین بوو بۆ بەشداربوانى سیمپۆزیۆم و خەڵاتى تایبەتى لیژنەى باڵاى سیمپۆزیۆم بۆ بەڕێز(د.توانا وەهبی ) ی. سەرۆکى زانکۆ بۆ کاروبارى خوێندکاران لەپاى ئەو هاوکاریانەى بۆ بەڕێوەچونى سیمپۆزیۆمەکە کردبونى.
دواتر ئامادەبوانى خوانى نیوەڕۆیان بۆ ئامادەکرا و کۆتایی بەسەرجەم بڕگەکانى سیمپۆزیۆمەکە هات.
سیمپۆزیۆمى (مەولەوى ڕابەرى پێچەوانەبوون لە ئەدەبی کوردیدا) یەکەمین سیمپۆزیۆمى بەشی زمانى کوردیە لە شارەزوور و دەچێتە چوارچێوەى یەکێک لە ناوازەترین چالاکیەزانستى و ئەدەبیەکانى ئەو بەشەکە تا ئێستا ئەنجامى داون.
.
ڕاپۆرت و فۆتۆ : دانیار عزالدین هەورامى
 

 

به‌روار : 2017-08-28 كات :20:02 بینراو : 1017

© 2017 Halabja University, Created and Developed by kod4it