سەرۆکى نوێی زانکۆى هەڵەبجە دەست بەکار دەبێت

بەمەبەستى سوپاس و پیرۆزبایی ، پارێزگار و جێگرى پارێزگار سەردانى زانکۆ دەکەن.

ڕۆژى چوارشەممە ڕێکەوتى 2017/9/27 لە مەراسیمێکدا بە ئامادەبوونى هەریەک لە پارێزگارى هەڵەبجە و جێگرى پارێزگار و بەڕێز(د. ئاراس مصطفى) سەرۆکى زانکۆى هەڵەبجە بەوەکالەت و ئەندامانى ئەنجومەنى زانکۆ ، بەڕێز (د.تەحسین عبدالکریم أمین ) وەک سەرۆکى نوێی زانکۆى هەڵەبجە دەست بەکار بوو. وەفدێکی پارێزگای هەڵەبجە کەپێکهاتبون لە هەریەک لە بەڕێزان (على عوسمان علی) پارێزگارى هەڵەبجە و (کاوە على کریم) جێگرى پارێزگاى هەڵەبجە بەمەبەستى دەست خۆشی و ئاڕاستە کردنى سوپاس بۆ بەڕێز(.ئاراس مصطفی) سەرۆکى پێشووى زانکۆى هەڵەبجە بەوەکالەت لەپاى ئەو هەوڵ و ماندوبون و ئەرکانەى کە لەماوەى ڕابردوودا بۆ زانکۆى هەڵەبجە کێشاویەتى ، و پیرۆزباییان لە سەرۆکى نوێی زانکۆ سەردانى زانکۆى هەڵەبجەیان کرد . وەفدى میوان دواى سوپاس و دەست خۆشیان لە سەرۆکى پێشوى زانکۆى هەڵەبجە پیرۆزباییان ئاڕاستەى سەرۆکى نوێی زانکۆ کرد هیواى سەرکەوتن و بەرەو پێشتر بردنى ئاستى زانکۆى هەڵەبجەیان بۆخواست. لاى خۆشیەوە بەڕێز(د. ئاراس مصطفى) پاش بەخێرهێنانى وەفدى میوان ، پیرۆزبایی ئاڕاستەى سەرۆکى نوێی زانکۆ کرد و ئاماژەى بەوە کرد وەک چۆن لە ماوەى ڕابردوودا بە هەموو هەوڵ و توانایەکیانەوە لە هەوڵ و خەمى بەڕێوەبردنى زانکۆدا بون ، بەو گیانەوە لە ماوەى داهاتووشدا لەهەوڵى و خەمى زانکۆدا دەبن و هاوکار دەبن تا زیاتر زانکۆى هەڵەبجە بەرەو پێشتر بچێت . بەڕێز(د. تحسین عبدالکریم ) سەرۆکى نوێی زانکۆ پاش سوپاس و دەست خۆشی لە سەرۆکى پێشوو و ستافى ئەکادیمى و کارگێڕی زانکۆ ، باسی لەوە کرد کە لاى خۆیەوە چى لە توانایدا بێت بیخاتەگەڕ بۆ پێشخستنى ئاستى زانستى زانکۆ کە دواجار دەبێتە خزمەت بە شارى هەڵەبجەش. لەکۆتاییشدا ئەنجومەنى زانکۆ و مامۆستا و بەرێوەبەرانى یەکەکارگێڕیەکان دواى بەخێرهاتنى سەرۆکى زانکۆ پیرۆزباییان ئاڕاستە کرد و هیواى خزمەتى دڵسۆزانەیان بۆخواست.

 

به‌روار : 2017-09-27 كات : بینراو : 1084

© 2017 Halabja University, Created and Developed by kod4it