قایمقام و بەڕێوەبەرى فەرمانگەکانى هەڵەبجە سەردانى سەرۆکى زانکۆ دەکەن

ئەمڕۆ یەکشەممە ڕێکەوتى ٢٠١٧/١٠/١٥ بە مەبەستى پیرۆزبایی لە بەڕێز (د.تەحسین عبدالکریم ئەمین) سەرۆکى زانکۆى هەڵەبجە بۆ دەست بەکاربونى وەک سەرۆکى زانکۆ ، هەریەک لە بەڕێزان نوخشە ناسیح ئەحمەد قایمقامى هەڵەبجە و کوێستان ئەکرەم فەرەج سەرۆکى شارەوانى بەرزان عوسمان بەرپرسی پۆلیسى ناوشار ، ئاراز لەتیف بەرپرسی فەرمانگەى (GCC) کاک ئاسۆ بەڕێوەبەری یاریدەدەرێتى ئاسایشی هەڵەبجە   هاوار ڕەفیق سەردانى زانکۆى هەڵەبجەیان کرد و لە لایەن بەڕێزان سەرۆکى زانکۆ و بەڕێوەبەرى پەیوەندیە ئەکادیمە نێودەوڵەتیەکانى زانکۆ و چەند مامۆستایەکى زانکۆوە پێشوازى کران . وەفدى میوان بە گەرمى پیرۆزبایی خۆیان ئاڕاستەى سەرۆکى زانکۆ کرد دیارى فەرمانگەکانى هەڵەبجەیان پێشکەش کرد بە بۆنەى دەست بەکاربونیەوە ، و هیواى سەرکەوتنیان بۆ خواست و بەڵێنی هەماهەنگی و هاوکاری قایمقامیەت و فەرمانگەکانیان بۆ زانکۆ دووپات کردەوە ، لاى خۆشیەوە سەرۆکى زانکۆى هەڵەبجە پاش بەخێرهێنانیان سوپاسی سەردان و دیاری و بەسەرکردنەوەکەیانى کرد.

ڕاگەیاندنى زانکۆى هەڵەبجە

به‌روار : 2017-10-15 كات :16:12 بینراو : 937

© 2017 Halabja University, Created and Developed by kod4it