بەڕێوەبەرایەتی بەكارخستنی زانكۆی هەڵەبجە وۆركشۆپێك ئەنجام دەدات

بەمەستی ئاشناكردنی خوێندكاران بە پرۆگرامی (IYLEP) بەڕێوەبەرایەتی بەكارخستنی زانكۆی هەڵەبجە  بە دروشمی (خوێندكاری چاوكراوە ، بناغەی كۆمەلگەیەكی پێشكەوتوە) وۆركۆشۆپێك ئەنجام دەدات

ڕۆژی سێ شەممە ڕێكەوتی 2017/10/31 به‌ڕێوه‌به‌رايه‌تى به‌كارخستنی زانكۆی هەڵەبجە (CDC) لەژێر چاودێرى به‌ڕێز(د.تحسین عبدالكریم) سه‌رۆكى زانكۆی هەڵەبجە بەوەكالەت ، و بەهاوكاری كۆلێجی زانست و هه‌ماهه‌نگى كونسوڵخانه‌ى ئه‌مريكا له‌ هه‌ولێر ، هه‌ستا به‌ ئه‌نجامدانى وۆركشۆپێك لەژێر ناونیشانی ( ناساندنی خوێندكارانی زانكۆ بە پڕۆگرامی (IYELP) ).
ژمارەیەکى بەرچاو لە مامۆستا و خوێندکارانى زانکۆ ئامادەبوون . وۆركشۆپەكە تایبەت بوو بە ناساندنی پرۆگرامەكە بە خوێندكارانی كۆلێجی زانست و لەپێناو ئاشناكردنی خوێندكاران بە وردەكاریەكان و شرۆڤەكردنی بابەتەكە ، سێ سیمینار پێشكەش كران.
دەسپێكی وۆركشۆپەكە بە سیمیناری (محمد قادر) وەك ستافی بەڕێوەبەرایەتی بەكارخستن دەستی پێكرد كە بەڕێوەبەرایەتی بەكارخستنی زانكۆی هەڵەبجەی وەك یەكێك لەبەڕێوەبەرایەتیە چالاك و گرنگەكانی زانكۆ ناساند و تیشكی خستە سەر كار و چالاكیەكانی ئەو بەریوەبەرایەتیە لە ماوەی ڕابردوودا و ئاماژەی بەو كارو پلانەی بەڕێوەبەرایەتیەكان كرد كە بە نیازن لە ماوەی داهاتودا بۆ خزمەت بە سەرجەم توێژەكانی زانكۆی هەڵەبجە ئەنجامی بدەن. دواتر ڕێبین عبدالرحمن وەك سودمەند لە چەند پڕۆگرامێكی ئاڵوگۆڕی گەنجان بە پێشكەشكردنی سیمیناری دووەم وردەكاریەكانی ئەو پڕۆگرامانەی كە لە ئێستادا بەردەستن و خوێندكاران دەتوانن سودیان لێ ببینن و میكانیزمەكانی بەشداربوونی بۆ ئامادەبوان ڕونكردەوە . لانو حسن وه‌ك ده‌رچووى پڕۆگرامى ئايڵپ و نوێنه‌رى ڕێکخراوی وێڵد لێننین كۆتا سیمیناری وۆركشۆپەكەی پێشكەش بە ئامادەبوان كرد و تیایدا به‌درێژى باسى له‌ پڕۆگرامه‌كه‌ و سووده‌كانى كرد بۆ خوێندكاران و دواتريش چۆنيه‌تى پێشكه‌شكردن بۆ سودمەند بوو لە پڕۆگرامەكە بۆ خوێندكاران خسته‌ ڕوو. بە سەرنج و پرسیاری ئامادەبوان كۆتایی بە وۆركشۆپەكە هێنرا.

 

 

به‌روار : 2017-10-31 كات :20:12 بینراو : 1374

© 2017 Halabja University, Created and Developed by kod4it