زانکۆى هەڵەبجە وۆرکشۆپێک ئەنجام دەدات

بەمەستی ئاشناكردنی خوێندكارانى زانکۆى هەڵەبجە بە پرۆگرامی (IYLEP) ، بەڕێوەبەرایەتی بەكارخستنی زانكۆی هەڵەبجە  بە دروشمی (خوێندکارى چاوکراوە بناغەى کۆمەڵگەیەکى پێشکەوتووە) وۆركۆشۆپێك ئەنجام دەدات

لە درێژەى کاروچالاکیەکانیدا ڕۆژی چوارشەممە ڕێكەوتی 2017/11/1 به‌ڕێوه‌به‌رايه‌تى به‌كارخستنی زانكۆی هەڵەبجە (CDC) لەژێر چاودێرى به‌ڕێز(د.تحسین عبدالكریم) سه‌رۆكى زانكۆی هەڵەبجە بەوەكالەت ، و بەهاوكاری كۆلێجی پەروەردەى بنەڕەت و کۆلێجى زانستەمرۆڤایەتیەکان ، هه‌ستا به‌ ئه‌نجامدانى وۆركشۆپێك لەژێر ناونیشانی ( پڕۆگرامی (IYELP) پڕۆگرامێک بۆ ئاشناکردنى خوێندکار بە جیهان ).
وۆركشۆپەكە تایبەت بوو بە ناساندنی پرۆگرامەكە بە خوێندكارانی هەردوو كۆلێجی زانستە مرۆڤایەتیەکان و کۆلێجى پەروەردەى بنەڕەت . لەپێناو ئاشناكردنی خوێندكاران بە وردەكاریەكان و شرۆڤەكردنی بابەتەكە ، دوو سیمینار پێشكەشى ئامادەبوان كران.
دەسپێكی وۆركشۆپەكە بە سیمیناری (محمد قادر) وەك ستافی بەڕێوەبەرایەتی بەكارخستن دەستی پێكرد كە بەڕێوەبەرایەتی بەكارخستنی زانكۆی هەڵەبجەی وەك یەكێك لەبەڕێوەبەرایەتیە چالاك و گرنگەكانی زانكۆ ناساند و تیشكی خستە سەر كار و چالاكیەكانی ئەو بەریوەبەرایەتیە لە ماوەی ڕابردوودا و ئاماژەی بەو كارو پلانەی بەڕێوەبەرایەتیەكان كرد كە بە نیازن لە ماوەی داهاتودا بۆ خزمەت بە سەرجەم توێژەكانی زانكۆی هەڵەبجە ئەنجامی بدەن. دواتر ڕێبین عبدالرحمن وەك سودمەند لە چەند پڕۆگرامێكی ئاڵوگۆڕی گەنجان بە پێشكەشكردنی سیمیناری دووەم وردەكاریەكانی ئەو پڕۆگرامانەی كە لە ئێستادا بەردەستن و خوێندكاران دەتوانن سودیان لێ ببینن و میكانیزمەكانی بەشداربوونی بۆ ئامادەبوان ڕونكردەوە . بە سەرنج و پرسیاری ئامادەبوان كۆتایی بە وۆركشۆپەكە هێنرا.

به‌روار : 2017-11-01 كات :17:08 بینراو : 765

© 2017 Halabja University, Created and Developed by kod4it