خوێندكارێكی زانكۆی هەڵەبجە بەشداری خولێك لە وڵاتی چین دەكات

لە دوای واژۆكردنی ڕێکەوتنی وەزارەتی خویندنی باڵا و تویژینەوەی زانستی حكومەتی هەرێم لەگەڵ کۆمپانیاى هواوى چینى بەمەبەستی ڕەوانەکردنى ژمارەیەک لە خوێندکارانى زانکۆکانى کوردستان بۆ کۆمارى میللى چین بۆ ڕاهێنان لە بواری (ICT) لە کۆمپانیاكە ، یەكەمین گروپی خوێندكارانی زانكۆكانی هەرێم بۆ ئەو مەبەستە سەردانی چین دكەن.

مەراسیمی كردنەوەی پرۆگرامەكە لە هەولێر بەڕێوەدەچێت
لە ڕێکەوتى 2017/9/12  مەراسیمی کردنەوەی پڕۆگرامەکە بەئامادەبونى د.یوسف گۆران وەزیرى خوێندنى باڵا و توێژینەوەى زانستى و محمود حاجى ساڵح وەزیرى کاروبارى شەهیدان و ئەنفالکراوەکان و، مەولود باوە مراد وەزیرى گواستنەوە و گەیاندن بەوەکالەت و، فەلاح مستەفا لێپرسراوى فەرمانگەى پەیوەندییەکانى دەرەوەى حکومەتى هەرێمى کوردستان، (چاین لاپینگ) کونسڵى گشتى کۆمارى میللى چین لە کوردستان و نوێنەرى کۆمپانیاى هواوى و خوێندکاران لە هۆتێل ڕۆتانا بەڕێوەچوو.


یەكەمین گرووپی خوێندكاران سەردانی چین دەكەن 
بەمەبەستی ڕاهێنانی خوێندكارانی هەرێم لە پرۆگرامی Seeds For The Future لەوڵاتی چین یەكەمین گروپی خوێندكاران بۆ ئەو مەبەستە شاندی چین كران و
 له‌لایه‌ن د.خه‌تاب شێخانی به‌ڕێوه‌به‌ری گشتی فه‌رمانگه‌ی كارگێڕی و دارایی سه‌رپه‌رشتی ده‌كرا، هه‌ریه‌ك له‌ د.محمد حسین كه‌لاری به‌رپرسی په‌یوه‌ندییه‌ ده‌ره‌كیه‌كانی وه‌زاره‌تی خوێندنی باڵا و توێژینه‌وه‌ی زانستی و، هێمن ئه‌مین شوانی به‌ڕێوه‌به‌ری به‌ڕێوه‌به‌رایه‌تی ڕاگه‌یاندنی وه‌زاره‌تی خوێندنی باڵا هاوه‌ڵیان دەكرد.

خوێندكارێكی زانكۆی هەلەبجە بەشدار دەبێت

خوێندكار (چرۆمحمدعلی) خوێندكاری قۆناغی سێیەمی بەشی كۆمپیوتەر سەر بە كۆلێجی زانستی زانكۆی هەڵەبجە وەك نوینەری زانۆكی هەڵەبجە بەشداری خولەكان دەكات و هاوڕێ لەگەڵ شاندی وەزارەت سەردانی چین دەكەن. لە ھەفتەی یەکەمی سەردانەكەیاندا  لە بەیجینگی پایتەخت ‌بەشداریان  لە خولی فێربونی زمانی چینی له‌ زانكۆی (بەیجینگ بۆ كه‌لتور و زمان) كرد ، خوله‌کە‌ ماوه‌ی سێ ڕۆژ به‌رده‌وام بوو. و کە بەشێوەیەکی سەرەتایی ئاشنای (Chinese Language, Painting and Calligraphy) كران.
له‌ هه‌فته‌ی دووەمدا  له‌ شاری (شینژین) له‌لایه‌ن كۆمپانیای هواویه‌وه‌ خولی تایبه‌ت له‌ بواری ئایتی بۆ خوێندكاران ڕێكخرا، کە بە تیۆری پێکھاتبوو لە(Telecommunications Network and Mobile Network Service) و بەشێوەیەکی پراکتیکی سەردانی بنکەکانی کۆمپانیای هواویان کرد و لە نزیکەوە ئامێرەکانی ئەو كۆمپایایەیان بینی له‌ كۆتایشدا له‌لایه‌ن كۆمپانیای هواویه‌وه‌ بڕوانامه‌ی ده‌رچوون به‌سه‌ر خوێندكارانی به‌شداربوو دابه‌شكرا.
پرۆگرامی Seeds For The Future پرۆگرامیکی جیهانییه لە لایەن کۆمپانیاى هواوى ساڵانه لە چەندین زانکۆی جیهانەوە خوێندکاران هەڵدەبژێردرێن بەمەبەستی ئاشناكردنیان بە پرۆگرامەگە.
 

به‌روار : 2017-10-01 كات :10:11 بینراو : 962

© 2017 Halabja University, Created and Developed by kod4it