کۆلێجى زانست بڕوانامەى بەشداریکردن دەبەخشێتە بەشداربوانى پرۆژەى نەوەکانى ئاشتى لە هەڵەبجە

لەپاش بەشداریكردنیان بۆ ماوەى ٤٠ کاتژمێر لە پرۆژەى نەوەکانى ئاشتى لە هەلەبجە ، ئەمڕۆ چوارشەممە ڕێکەوتى 2017/11/22  كۆلیژی زانستی زانكۆی هەڵەبجە لە مەراسیمێكدا  بڕوانامەی بەخشییە خوێندكارانی بەشداربوو لەو خولەدا كەلەلایەن رێكخراوی (یاو) بەهاوكاری كۆلیژی زانست ئەم خولە سازكرابوو بۆخوێندكارانی کۆلێجی زانستی زانكۆی هەڵەبجە.
سەرەتای مەراسیمەكە بەووتەی بەڕێز م.كاروان مەهدی رەئوف وەك سەرپەرشتیاری خولەكە دەستی پێكردوو تییایدا سوپاس و دەستخۆشی خۆی بۆ خوێندكارانی بەشداربوو دەربڕی و سوپاسی رێكخراوی یاوی كرد بۆ هەماهەنگیان لەگەڵ زانکۆى هەڵەجە بۆكردنەوەی ئەم جۆرە خولانە لەناو زانكۆدا تاكو خوێندكاران باشتر سودمەندبن.
دواتر د. سوركیو صلاح  ڕاگری كۆلیژی زانست لەوتەیەکدا دەستخۆشی  خۆی ئاراستەی م كاروان كرد بۆ هێنانی ئەم جۆرە پڕۆژانە بۆ ناو زانكۆ و سوپاسی سەرۆكی بەشی كۆمپیتەرییشی كرد بۆ واڵاكردنی هۆڵی تاقیگەكان بەڕووی خوێندكارانی بەشداربوو ئەم خولەدا  لەووتەیەكدا بۆ خوێندكاران وتی : زانستی كۆمپیوتەر زانستێكە هەمیشە  پێویستی بەتازەبوونەوە هەیە بۆیە لێرەوە هانی ئیوەی خوێندكاران ئەدەم كە بەشداربن لەم جۆرە خولانەدا تاكوو زۆرترین زانیاریان هەبێت.
لەكۆتایی مەراسیمەكەشدا خەڵاتى ڕێزلێنان لەلایەن ڕاگرى کۆلێجى زانستەوە بەخشرایە سەرپەرشتیارى پرۆژەکە و   بڕوانەی بەشداریكردن لەلایەن مامۆستایانى کۆلێجى زانستەوە بەخشرایە  خوێندكارانی بەشداربوو.

پڕۆژەى نەوەکانى ئاشتى پرۆژەى کۆنسوڵخانەى ئەمریکایە لە عێراق بەهاوکارى ڕێکخراوى (YAO) و زانکۆى هەلەبجە خولێکى ٤٠ کاتژمێرییان بۆ خوێندکارانى بەشی کۆمپیوتەر سەر بە کۆلێجى زانستى زانکۆى هەڵەبجە ئەنجامدا.

به‌روار : 2017-11-22 كات :00:01 بینراو : 1322

© 2017 Halabja University, Created and Developed by kod4it