دووه‌مین فیستیڤاڵی كتێب خوێندنه‌وه‌

كۆلێژی زانسته‌ مرۆڤایه‌تیه‌كان به‌هاوكاری به‌ڕێوه‌به‌رایه‌تی دڵنیایی جۆری دووه‌مین فیستڤاڵی پێشبڕكێی زانستیی خوێندكاران له‌ زانكۆی هه‌ڵه‌بجه‌ ئه‌نجام ده‌دات. ئه‌م فیستڤاله‌ بریتییه‌ له‌ ئه‌نجامدانی پێشبڕكێیه‌كی زانستی له‌نێوان خوێندكارانی زانكۆماندا كه‌ تایبه‌ته‌ به‌ خوێندنه‌وه‌ی كتێبێكی دیاریكراو و پاشان خستنه‌ ڕووی له‌لایه‌ن خوێندكاره‌كه‌وه‌ له ‌سیمینارێكی تایبه‌تدا و هه‌ڵسه‌نگاندنی له‌لایه‌ن لیژنه‌یه‌كی تایبه‌ت له‌مامۆستایان، وه‌ دیاریكردنی باشترین (10) خوێندكاری ‌یه‌كه‌م و به‌خشینی خه‌ڵات پێیان.

ئامانج:
ئامانج له‌ ئه‌نجامدانی ئه‌م كاره‌ بریتییه‌ له‌ به‌رزكردنه‌وه‌ی ئاستی زانستیی خوێندكاران له‌ڕێی خوێندنه‌وه‌ی كتێب و ڕه‌خساندنی كه‌شێكی زانستی له ‌زانكۆماندا كه‌ ڕاسته‌وخۆ خوێندكاران تێیدا به‌شدارن، هه‌روه‌ها دروستكردنی كێبڕكێی زانستی‌ له ‌نێوان خوێندكاراندا.
لایه‌نی سه‌رپه‌رشتیار و جێبه‌جێكار:
کۆلێژی زانستە مرۆڤایەتییەکان به‌هاوكاری به‌ڕێوه‌به‌رایه‌تی دڵنیایی جۆری. میكانیزمی جێبه‌جێكردن: سه‌ره‌تا خوێندكاران له‌ڕێی پڕكردنه‌وه‌ی فۆڕمێكی ئۆنلاینی تایبه‌ته‌وه‌ كه‌ له‌ خواره‌وه‌ ده‌ست ده‌كه‌وێت به‌شداریی پێشبڕكێكه‌ ده‌بن، دواتر (30) باشترینیان له‌رێی لیژنه‌یه‌كی تایبه‌ته‌وه‌ هه‌ڵده‌بژێردرێن بۆ قۆناغی كۆتایی. پاش ئه‌نجامدانی سیمینار له‌لایه‌ن به‌شداربووان و خستنه‌ ڕووی ناوه‌ڕۆكی كتێبه‌كه، دواتر (10) ‌خوێندكاری یه‌كه‌م دیاریده‌كرێن و خه‌ڵات ده‌كرێن.
كاتی دیاریكراو بۆ خوێندنه‌وه‌ی كتێبه‌كه‌ ته‌نها یه‌ك مانگه‌.
تێبینی/
1. نابێت ئه‌و كتێبه‌ی ده‌ستنیشانی ده‌كه‌یت له‌ (150 لاپه‌ڕه‌) كه‌متر بێت.
2. به‌شداریكردن له‌ڕێی ئه‌م فۆرمه‌ ئۆنلاینه‌ی لای خواره‌وه‌ ده‌بێت له‌ ڕێكه‌وتی (3/3/2018) بۆ (5/4/2018).
3. ھەڵسەنگاندنی كتێبه‌كان لە لایەن لیژنە و جیاکردنەوەی ئەو بەشداربووانەی کە دەچنە پێشبڕکی له‌ ڕێكه‌وتی (5/4/2018) تاوه‌كو (10/4/2018) ده‌بێت.
4. ماوه‌ی هه‌ڵسه‌نگاندن و ده‌ستنیشانكردنی (10) باشترین خوێندكار له‌لایه‌ن لیژنه‌ی تایبه‌ته‌وه‌ له‌ ڕێكه‌وتی (10/4/2018) بۆ 1/5/2018) ده‌بێت.
5. ئەنجامدانی پانێڵ بۆ (10) بەشداربوو له‌ ڕێكه‌وتی (9/5/2018) ده‌بێت.

ئه‌گه‌ر ئاماده‌یت به‌شداری له‌م پێشبڕكێیه‌دا بكه‌یت ئەم فۆڕمە پڕ بکەرەوە و کرتە لێرە بکە .

به‌روار : 2018-03-05 كات : بینراو : 1176

© 2018 Halabja University, Created and Developed by kod4it