لە ریزبەندی زانكۆكانی جیهان زانكۆی هەڵەبجە ئاستی بەرز بەدەستدێنێت

دوای ئەوەی سەنتەری وێبۆمیتریكسی ئیسپانی ریزبەندی زانكۆكانی جیهانی راگەیاند، زانكۆی هەڵەبجە ئاستێكی بەرزی بەدەستهێناو لەسەر ئاستی عێراق پلەی (58) ی بەدەستهێناوە لە (92) زانكۆی عێراق، وە لەسەر ئاستی جیهانیش بە رێژەیەكی بەرچاو پێشكەوتوە نزیكەی (4000) پلە هاتوەتە پێشەوە.

ئەمەش پێشكەوتنێكی گەورەیە بەبەراورد بەساڵی پێشوو، چونكە ساڵی پار زانكۆی هەڵەبجە لەسەر ئاستی عێراق و جیهان لە دواوەی ریزبەندیەكەدا بوو، بۆ نمونە ساڵی پار لەسەر ئاستی عێراق زانكۆی هەڵەبجە لە (81) زانكۆی عێراق لە پلەی (71)دا بوو. بۆیە بەدەستهێنانی ئەو پلەیە لە ئەمساڵدا دەستكەوتێكی زانستی گەورەیە كە زانكۆمان لەماوەی ساڵیكدا بەدەستی هێناوە، دیارە ئەم بەرەوپێشچونەش بەهاوكاری (بەرێز جەنابی وەزیری خوێندنی باڵا) و وەزارەتی خوێندنی باڵا بووە، كە بەردەوام پاڵپشت وهاوكارمان بوون، هەروەها هەوڵە بەردەوامەكانی بەڕێز سەرۆكی زانكۆو ئەنجومەنی زانكۆمان و سەرجەم مامۆستایان و فەرمانبەران و كاربەدەستانی زانكۆمان بەرز دەنرخێنین كە هەمیشە لەهەوڵی بەرەوپێشچونی زانكۆی هەڵەبجەدان. وەهەموو لایەك دڵنیا دەكەینەوە بۆ ساڵی ئاییندە هەوڵی بەردەوام دەدەین بۆ پێشكەوتنی زیاتری زانكۆمان لەسەر ئاستی عێراق وجیهان، بۆ ئەم مەبەستەش پلان ونەخشەی تۆكمەمان دارشتوەو لەكاتێكی نزیكدا رایدەگەیەنین.

 

 

 

 

به‌روار : 2018-08-02 كات : بینراو : 2380

© 2018 Halabja University, Created and Developed by kod4it